റൂട്‌സ് വാലി സ്‌കൂളില്‍ രക്തസാക്ഷിദിനത്തോടനുബന്ധിച്ച് വിമുക്തഭടന്മാരെ ആദരിച്ചു
പഴയന്നൂര്‍ : പഴയന്നൂര്‍ കല്ലംപറമ്പ് റൂട്‌സ് വാലി ഇന്റര്‍നാഷണല്‍ സ്‌കൂളില്‍ രക്തസാക്ഷി ദിനവും വിമുക്തഭടന്മാരെ ആദരിക്കലും സംഘടിപ്പിച്ചു. പഴയന്നൂര്‍ പൊലീസ് ഇന്‍സ്‌പെക്ടര്‍ കെ എ മുഹമ്മദ് ബഷീര്‍ ഉദ്ഘാടനം ചെയ്തു. സ്‌കൂള്‍ സിഇഒ എ പി ഷാനവാസ് അധ്യക്ഷനായി. പഴയന്നൂര്‍ ബ്ലോക്ക് എക്‌സ് സര്‍വീസ്മെന്‍ വെല്‍ഫെയര്‍ അസോസിയേഷനിലെ 26 വിമുക്തഭടന്മാരാണ് ആദരിക്കപ്പെട്ടത്. റഹ്‌മാന്‍ (റംല ഗ്രൂപ്പ്), മാനേജിങ് ഡയറക്ടര്‍ അബ്ദുല്‍സലാം (ബെസ്റ്റ് ഗ്രൂപ്പ് ), സിഇഒ എ പി ഷാനവാസ്, എച്ച്ഒഡി ഷാക്കിറ ഷാനവാസ് എന്നിവര്‍ വിമുക്തഭടന്മാര്‍ക്ക് മെമന്റോ വിതരണം ചെയ്തു.
സ്‌കൂള്‍ ചെയര്‍മാന്‍ സുനിത് റഹ്‌മാന്‍, മാനേജിങ് ഡയറക്ടര്‍ അബ്ദുള്‍ സലാം, ഷാക്കിറ ഷാനവാസ്, റിട്ട. ക്യാപ്റ്റന്‍ ടി രാധാകൃഷ്ണന്‍, പിവികെ ബാലകൃഷ്ണന്‍, സെക്രട്ടറി സഫ്നത് വഫിയ്യ എന്നിവര്‍ സംസാരിച്ചു.
