ടെംപോ ട്രാവലര്‍ ചെക്ക് ഡാമിന് മുകളില്‍നിന്ന് പുഴയിലേക്ക് ടെംപോ ട്രാവലര്‍ തെന്നിയിറങ്ങി അപകടം
കൊണ്ടാഴി-തിരുവില്വാമല പഞ്ചായത്തുകളെ ബന്ധിപ്പിക്കുന്ന എഴുന്നള്ളത്ത് കടവ് തടയണയില്‍ നിന്ന് ടെംപോ ട്രാവലര്‍ ഗായത്രിപ്പുഴയിലേക്ക് തെന്നിയിറങ്ങി അപകടം. തിരുവില്വാമല ഭാഗത്തുനിന്ന് കൊണ്ടാഴി ഭാഗത്തേക്ക് പോകുന്നതിനിടെയാണ് അപകടം. മുന്‍വശത്തെ ടയറുകള്‍ തെന്നിമാറി ഗായത്രിപ്പുഴയിലേക്ക് ഇറങ്ങുകയായിരുന്നു. തിരുവില്വാമല പാമ്പാടി യാരത്തിങ്കല്‍ മുഹമ്മദ് അനസിന്റെ വാഹനമാണ് അപകടത്തില്‍പ്പെട്ടത്. ആളപായമില്ല. ഞായറാഴ്ച ഉച്ചയോടെയാണ് അപകടം. ജെസിബി ഉപയോഗിച്ച് വാഹനത്തെ കരകയറ്റി.
