മലാറ എംആര്‍എസ് സ്‌കൂളില്‍ ‘നീര്‍മാതളം’ ആഘോഷിച്ചു
തിരുവില്വാമല : പട്ടികജാതി വികസന വകുപ്പിനു കീഴില്‍ തിരുവല്വമലയിലെ മലാറയില്‍ പ്രവര്‍ത്തിക്കുന്ന ചേലക്കര ഗവ. മോഡല്‍ റസിഡന്‍ഷ്യല്‍ ഇംഗ്ലീഷ് മീഡിയം സ്‌കൂള്‍ 14-ാം വാഷികാഘോഷം ‘നീര്‍മാതളം’ എന്ന പേരില്‍ ആഘോഷിച്ചു. ഗായകനും സംഗീത സംവിധായകനുമായ കുഞ്ഞികൃഷ്ണന്‍ കമ്പല്ലൂര്‍ ഉദ്ഘാനം നിര്‍വഹിച്ചു. പി ടി എ പ്രസിഡന്റ് പി വിജയന്‍ അധ്യക്ഷത വഹിച്ചു. സീനിയര്‍ അസിസ്റ്റന്റ് പി വി സുരഭി അധ്യയന വര്‍ഷത്തെ പ്രവര്‍ത്തന റിപ്പോര്‍ട്ട് അവതരിപ്പിച്ചു. കഴിഞ്ഞ അധ്യയനവര്‍ഷം പഠന മികവ് പുലര്‍ത്തിയവര്‍ക്കുള്ള സമ്മാനദാനം സീനിയര്‍ സൂപ്രണ്ട് പി ആര്‍ സജില്‍കുമാര്‍ നിര്‍വ്വഹിച്ചു. ഗ്രാമ പഞ്ചായത്ത് പ്രസിഡന്റ് കെ പദ്മജ, ജില്ലാ പഞ്ചായത്ത് സ്ഥിരം സമിതി അധ്യക്ഷ ദീപ എസ് നായര്‍ എന്നിവര്‍ മുഖ്യാതിഥികളായി. സ്ഥിരം സമിതി അധ്യക്ഷ സ്മിത സുകുമാരന്‍, പ്രധാനാധ്യാപിക ടി ഫാത്തിമ സുഹറ, സ്റ്റാഫ് സെക്രട്ടറി കെ കുമാരന്‍ എന്നിവര്‍ സംസാരിച്ചു. പഴയന്നൂര്‍ സബ് ഇന്‍സ്‌പെക്ടര്‍ ബദറുദ്ദീന്‍, വിദ്യാര്‍ത്ഥികളായ അമല്‍നാഥ്, അനിരുദ്ധന്‍, എസ് അര്‍ജുന്‍ എന്നിവര്‍ ചടങ്ങില്‍ സംബന്ധിച്ചു.
